ភ្នំពេញ៖ ក្រសួងធនធានទឹកនិងឧតុនិយមឱ្យដឹងថា ចាប់ពីថ្ងៃទី២២ រហូតដល់ថ្ងៃទី២៨ ខែមិថុនានៅកម្ពុជានឹងមានសីតុណ្ហភាពនឹងចុះមកនៅពីរង្វង់២៣ ដល់៣៧អង្សារសេ ជាមួយគ្នានេះនឹងអាចមានភ្លៀងធ្លាក់នៅក្នុងកម្រិតពីតិចទៅបង្គួរ លាយឡំដោយផ្គររន្ទះ និងខ្យល់កន្ត្រាក់នៅតាមបណ្ដាខេត្តនិងរាជធានីមួយចំនួនផងដែរ។
ក្រសួងឱ្យដឹងថាករណីនេះបណ្ដាលមកពី កម្ពុជាទទួលរងនូវឥទ្ធិពលជ្រលងប្រព័ន្ធសម្ពាធទាប ដែលអូសបន្លាយនៅលើភាគខាងជើងប្រទេសថៃ ប្រទេសឡាវ និងប្រទេសវៀតណាម ជាមួយនឹងខ្យល់មូសុងនីរតីបក់ក្នុងល្បឿនពីមធ្យមទៅបង្គួរ។
បើតាមក្រសួងធនធានទឹក និងឧតុនិយមតំបន់សមុទ្រក្រៅពីមានស្ថានភាពដូចខាងលើហើយ រលកទឹកសមុទ្រនឹងបក់ក្នុងកម្រិតមធ្យមផងដែរ៕
